Մշակվում է հավատարմագրման նոր կարգ

Մասնագիտական կրթական ծրագրերի հավատարմագրան գործընթացի կազմակերպման նպատակով ՈԱԱԿ-ը՝ ՀՀ ԿԳ նախարարության հետ համագործակցելով, մշակել է նոր կարգի նախագիծ։ Մասնագիտական կրթության որակի ապահովման նոր մոտեցումներն ու մեխանիզմները սահմանող այս կարգը կոչվում է «Հայաստանի Հանրապետությունում մասնագիտական կրթության որակի արտաքին գնահատման կարգ»։

 

ՄՈՒՀ-երը գիտակցում են որակի համակարգի անհրաժեշտությունն ու կարևորությունը

Հանրապետության մասնագիտական ուսումնական 34 հաստատությունում իրականացված ուսումնասիրությունը ցույց է տալիս, որ մեծ մասում արդեն գործում է որակի ներքին ապահովման խնդիրներով զբաղվող առանձին ստորաբաժանում կամ խումբ։ Ուսումնասիրությանը մասնակցել է պետական 16, ոչ պետական ուսումնական 17 հաստատություն և արտերկրի բուհի 1 մասնաճյուղ։

ՈԱԱԿ-ը նպաստում է «Ուսանողների կարծիքի» ձևավորմանը

ՈԱԱԿ-ում փետրվարի 7-ին կայացավ հանդիպում ուսանողների հետ, որի նպատակը «Ուսանողների կարծիք» աշխատանքային խմբի ձևավորման վերաբերյալ որակի ապահովման ազգային կենտրոնի նախաձեռնության քննարկումն էր։

Մասնագիտական կրթության որակի ապահովման գործընթացներում ուսանողներին ներգրավելու նպատակով ՈԱԱԿ-ը նախաձեռնել ու մեկնարկել է «Ուսանողների կարծիք» աշխատանքային խմբի ձևավորման գործընթացը։

Փորձաքննության փուլը սկսվեց Իջևանից

ԵՊՀ Իջևանի մասնաճյուղ այցով հունվարի 22-ին սկսվեց ՈԱԱԿ-ի փորձնական երկրորդ ծրագրի բուհեր այցելությունների փուլը։ Ծրագրի նպատակն ուսումնական հաստատությունների ինստիտուցիոնալ կարողությունների փորձաքննության մեխանիզմների ու ընթացակարգերի փորձարկումն է։ Դրանում ընդգրկված է պետական ու ոչ պետական 4 հաստատություն։

Որակի ապահովումը պետք է դիտարկվի որպես բարեփոխմանը նպաստող գործիք

Ուսումնական մի քանի հաստատություններում ՈԱԱԿ-ի կողմից իրականացված ու իրականացվող փորձնական ծրագրերը ցույց են տալիս, որ Հայաստանում՝ ինչպեսև այլ հետխորհրդային երկրներում, որտեղ բարձրագույն կրթության մշակույթը զգալի տարբերվում է եվրոպականից, որակի ապահովումը պետք է դիտարկվի որպես բուհերի բարեփոխմանը նպաստող գործիք: Եվրոպական կրթական տարածքին ընդառաջ մեր երկրների մասնագիտական ուսումնական հաստատություններում տեղի ունեցող բարեփոխումները՝ փոխակերպումները, հնարավոր են միայն կառավարման, ուսուցանման և ուսումնառության մակարդակներում գործելակերպի փոփոխման միջոցով: ՈԱԱԿ-ի դերն այս գործընթացնում ուղղորդումն է, մասնագիտական աջակցությունն ու խորհրդատվությունը, ոչ թե վերահսկողությունը։