Մասնագիտական կրթության որակի ապահովման ազգային կենտրոնի տնօրեն Ռուբեն Թոփչյանն այսօր ընդունեց պաշտոնական այցով Երևանում գտնվող Բարձրագույն կրթության որակի ապահովման եվրոպական ասոցիացիայի (ENQA) նախագահ Պադրիգ Ուոլշին և ՏԵՄՊՈՒՍ-ի տնօրեն Կլաուս Հաուպտին: Պարոն Թոփչյանը եվրոպացի հյուրերին ներկայացրեց մասնագիտական կրթության որակի ապահովման գործընթացները Հայաստանում, ոլորտում առկա խնդիրներն ու ձեռքբերումները:
Այսօր «Մասնագիտական կրթության որակի ապահովման ազգային կենտրոն» հիմնադրամի տնօրեն Ռուբեն Թոփչյանը և Ղազախստանի կրթության որակի ապահովման անկախ գործակալության տնօրեն Շոլփան Կալանովան Երևանում համագործակցության հուշագիր ստորագրեցին:
«Մասնագիտական կրթության որակի ապահովման ազգային կենտրոն» հիմնադրամի նորակազմ հոգաբարձուների խորհրդի նախագահ Վարուժան Ավետիքյանը հանդիպում ունեցավ հիմնադրամի աշխատակազմի հետ:
Հավատարմագրման գործընթացի շրջանակներում մեկնարկել է փորձագիտական խմբի այցը Եվրասիա միջազգային համալսարան: Մայիսի 11-14-ին փորձագիտական խումբը հանդիպումներ կունենա համալսարանի ռեկտորի, պրոռեկտորների, դեկանների, ամբիոնների վարիչների, պրոֆեսորադասախոսական կազմի, ուսանողների, շրջանավարտների և պոտենցիալ գործատուների հետ, կիրականացնի ռեսուրսների դիտարկում:
Երևանի Վ. Բրյուսովի անվան պետական լեզվահասարակագիտական համալսարանի պրոֆեսորադասախոսական կազմի և ուսանողության ներկայությամբ «Մասնագիտական կրթության որակի ապահովման ազգայն կենտրոն» հիմնադրամի տնօրեն Ռուբեն Թոփչյանը և ՈԱԱԿ հավատարմագրման հանձնաժողովի քարտուղար Անահիտ Ութմազյանը ԵԼՊՀ ռեկտորին պաշտոնապես հանձնեցին բուհի ինստիտուցիոնալ հավատարմագրման վկայականը:
