Չափանիշերը քննարկվում են նաև ՄԿՈՒ ոլորտի ներկայացուցիչների հետ

Մասնագիտական ուսումնական հաստատությունների ներկայացուցիչների հետ ՈԱԱԿ հանդիպումները շարունակվում են։ Դեկտեմբեր ամսին դրանց մասնակցում էին բուհերի ներկայացուցիչներ, այժմ երկրորդ փուլում քննարկումների մասնակիցները նախնական և միջին մասնագիտական ուսումնական հաստատությունների ներկայացուցիչներն են։

ՈԱԱԿ-ին շնորհվել է ENQA նախնական անդամակցության կարգավիճակ

«Մասնագիտական կրթության որակի ապահովման ազգային կենտրոն» հիմնադրամին Մասնագիտական կրթության որակի ապահովման եվրոպական ասոցիացիայի (ENQA) գործադիր խորհուրդի կողմից հունիսի 12-ին շնորհվել է նախնական անդամակցության կարգավիճակ:

Որակի ապահովման եվրոպական ասոցիացիան ստեղծվել է 2000 թվականին, մասնագիտական կրթության ոլորտում Բոլոնիայի գործընթացի սկզբունքների իրագործման նպատակով։

Քննակվեցին հավատարմագրման խնդիրները

Ոչ պետական բուհերի ռեկտորների խորհրդի անդամների հետ «Մասնագիտական կրթության որակի ապահովման ազգային կենտրոնում» հոկտեմբերի 14-ին տեղի ունեցած հանդիպման նպատակը ծանոթությունն էր կենտրոնի գործունեությանը, ինչպես նաև՝ հավատարմագրման գործընթացի խնդիրների քննարկումը:

Ներկայացնելով հավատարմագրման գործընթացը` ՈԱԱԿ տնօրեն Ռուբեն Թոփչյանը նախ ներկայացրեց որակի հավաստման գործընթացի հիմնական նպատակները՝ խթանել որակյալ կրթության իրականացումը, նպաստել միջազգայնորեն համադրելի ու մրցունակ կրթական համակարգի ձևավորմանը, ՄՈՒՀ-երի ակադեմիական ազատություններին և ինքնավարության զարգացմանը, ինչպես նաև` ապահովել կրթական դաշտի թափանցիկությունը: 

Ընթանում են բազայի ձևավորման աշխատանքներ

Մեր երկրում գործող մասնագիտական ուսումնական հաստատությունների մասին համապարփակ տեղեկատվական բազա ձևավորելու նպատակով դեռևս հունիս ամսից «Մասնագիտական կրթության որակի ապահովման ազգային կենտրոն» հիմնադրամը (ՈԱԱԿ) մշակել և սկսել է գործարկել էլեկտրոնային հարցաթերթ։ Այն տեղեկություններ է պարունակում ՄՈՒՀ-երի ենթակառուցվածքների, գործունեության, թույլտվության ու իրավական այլ հիմքերի, ինչպես նաև մի շարք այլ հարցերի վերաբերյալ։ 

Հայ - լեհական համագործակցություն

    Որակի ապահովման ազգային կենտրոնի (ՈԱԱԿ) աշխատանքային խումբը` տնօրեն Ռուբեն Թոփչյանի գլխավորությամբ, օգոստոսի 25-ին երկօրյա աշխատանքային այցով հյուրընկալվել էր Լեհաստանի Հանրապետության Հավատարմագրման հանձնաժողովում (PKA)։ Մասնագիտական կրթության որակի ապահոման երկու կառույցների միջև կապերի հաստատման և համագործակցության նախաձեռնությունը Լեհաստանում ՀՀ արտակարգ և լիազոր դեսպան Աշոտ Գալոյանինն էր։